رقم تليفون الرئيس

رقم تليفون الرئيس

---

أشارت مجموعة منتقاة من خبراء الترويج والعلاقات العامة علي أحد الرؤساء العرب أن يقوم بنشر رقم تليفونه المحمول في جميع وسائل الإعلام لتحسين صورة الرئيس وزيادة شعبيته والتي أظهرت إستطلاعات الرأي أنها في تآكل مستمر ....وافق الرئيس علي مضض وعلي أمل أن يحدث التواصل المطلوب بينه وبين أفراد الشعب ويتعرف بنفسه علي مشاكلهم وسبب عدم رضائهم عنه رغم مخاوفه الشديدة من كثرة التليفونات وإمكانية تعرضه لمكالمات غير لائقة من مغرضين ومندسين بين صفوف هذا الشعب المدهش المطاوع المسالم المهاود ...



بمجرد أن وافق الرئيس تم عمل حملة إعلانية ضخمة وغير مسبوقة في طول البلاد وعرضها للإعلان عن الرقم ... وتم كتابة الرقم علي لوحات مضيئة عملاقة أعلي العمارات والمباني الحكومية وقد صيغت الدعاية بعبارات جذابة وشيقة ...منها :
((إتصل برقم الرئيس ..وإنت وأهلك تهيص .... ))

((إتصل بالرئيس ... يكون لك خير ونيس ....))

ولم تنس الدعاية المرأة في هذه الحملة فكان منها ما يقول :
(( إتصلي بالرئيس .... وبكره يجيلك العريس .... ))

وكان للأطفال أمل الغد أيضاً نصيب فكتبت لهم إعلانات تقول :
(( كلموا عمو الريس .... قبل ما يموت ويفيص ))

هذا خلاف الإعلانات التليفزيونية والكليبات المثيرة التي رصد لها ملايين الجنيهات حتي تخرج الحملة بصورة مشرفة ووطنية ....
وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية :
آآآلو الريس فين ... الريس هنا ...هنا هو ... أقولوا مين بيكلموا ...

وذلك لأن هذه الأغنية سهلة وتوحي أن الرئيس قريب ومتواصل مع شعبه ...
وكان الخلاف حول المكالمة هل تكون مجانية أم لا ..وتم حسم الموضوع بأن تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم مشاريع الصرف الصحي والمياة وعمل نهضة تنموية مستقبلية ...



جاءت ساعة الصفر .... وبدأت الخدمة ... وتلقي الرئيس عدة مكالمات :

المكالمة الأولي

- ألو ....
- أيون ...
- إنت الريس ...
- أيون يا حبيبي ... إيه مشكلتك ....
- أنا ياريس دخلت قسم شرطة أعمل محضر قام الظباط والمخبرين ضربوني علي قفايا وجابوا ساعة رقمية وقعدوا يشوف من حيضربني أكتر علي قفايا في الدقيقة وما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف ... يرضيك كده ياريس وأنا ولا مجرم ولا حاجة أنا رايح أشتكي وأعمل محضر في الجيران ...
- بص يا مواطن ... إحنا كلنا في خدمة الوطن.. والشعب في خدمة الشرطة ..لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك ... لازم تضحي شوية علشان الوطن ...!!
- شكراً ياريس ..ربنا يخليك لنا ويخليك للوطن ... ؟

المكالمة الثانية

- ألو
- أيون
- الريس معايا شخصياً
- أيون ... قول يا مواطن ... إيه مشكلتك ...
- أنا ياريس وغيري ملايين ساكنين في المقابر وتحت الكباري وفي عشش في ال ...في ال
- أسكت ..إتكلم عن نفسك بس يا مواطن بلاش تعميم ... إنت عايز تعمل لي تنظيم علي التليفون؟ فاهم.. ولا أفهمك بطريقتي ...
- فاهم فاهم يا ريس ...
- كمل يا مواطن ...
- نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون...
- واضح يا مواطن إنك مش متعلم ومش فاهم حاجة ... تسكينك في المقابر إنت وغيرك ده له حكمة عظيمة ..
إنت عارف إن الدين بيأمرنا بزيارتها للموعظة والإعتبار من آن لأخر لكي نعرف أنها دنيا فانية ...
وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك ضريبة إتعاظ .... !!
- طب ما تيجي ياريس تتعظ عندنا شوية ...
- إخرس ... يا ..(....)
دببببب ...
وتم غلق الخط ...




المكالمة الثالثة
- ألو ....
- أيون
- الريس حبيبنا معانا ....
- أيون أيوه كده ....إيه مشكلتك يا حبيبي ...؟؟
- أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة بآخد مصروفي من والدي وقاعد علي القهوة طول اليوم ... نفسي أشتغل ياريس ...
- أنت غريب قوي يا مواطن ... مش تحمد ربنا إننا مريحينك ..عايز تروح للشقي برجليك ... وبعدين مالها قعدة القهوة ... إتعلم منها حاجة تفيدك ...ممكن تبقي بطل شطرنج زي كسباروف وساعتها تعرف إن جلوسك علي القهوة كان مصلحة ...
- ياريس عايز أكون نفسي ...
- ما تكونها يا حبيبي حد حايشك ...؟!!
- أكونها إزاي من غير شغل ..؟؟
- إيه يا مواطن أنا ماسك أعصابي ... إنت عايز البلد تكون ملايين من الناس.. إحنا فاضيلنك ولا إيه..؟؟ إحنا عندنا عيال بنكونها برضه .... خلي أبوك يكونك يا مواطن ...
دبببب ...وتم غلق الخط ....




المكالمة الرابعة
- ألو ..صباح الخير ياريسنا يا جميل ...
- ألوووووووووو...صباح الجمال ... أيوه يا شابة .. إيه مشكلتك وأنا أحلها لكي في فمتوثانية ...
- أنا يا ريس عانس ... وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما ....
- هههههه ... إنت تحمدي ربنا ...جواز إيه وقرف إيه ...خلفة وطبيخ وواحد متخلف ينكد عليكي ومسئولية ... خليكي كده ....
- ياريس ... نفسي أحب وأتحب ....
- يا مواطنة ... حب الوطن كفاية عليكي ....
- يعني أتجوز الوطن وأجيب منه عيال ..!!!
- يوووه ... إنت مش عجبك كلامي طيب ...
دبببب .. وإنتهت المكالمة ....




وأخيراً[size=21]...

حد عايز الرقم يطلب ويجرب ..... يتصل بي أويكتب لي...وأنا أعطيه له فوراً ....بشرط يقول حيقول للريس بتاعه إيه لو كلمه في التليفون ...!!! ؟؟؟

[/size]

الموضوع مش مقصود بيه حد معين.

.

ههههههههههههههههههه ايه الجرأه دى يا ابنى موضوع تحفه بجد وعجبتنى المشكله دى اوى علشان صعبت عليا كتير هههههههههههههههههههههه
أنا يا ريس عانس ... وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما ....
- هههههه ... إنت تحمدي ربنا ...جواز إيه وقرف إيه ...خلفة وطبيخ وواحد متخلف ينكد عليكي ومسئولية ... خليكي كده ....
- ياريس ... نفسي أحب وأتحب ....
- يا مواطنة ... حب الوطن كفاية عليكي ....
- يعني أتجوز الوطن وأجيب منه عيال ..!!!
- يوووه ... إنت مش عجبك كلامي طيب ...

ياريت المشاكل الا فى البلد تبقى مشكلة عنس البنات ههههههههه هتبقى ارحم بكتير من الا بيحصل فيها
ربنا الا يرحمنا بقى ويغير الظروف الا بتحصل فى البلد

ياجماعه الجنيرال ها يودينا في داهيه انا اول واحد بعترف امام الجميع اني ما عرفوش علي فكره اسمه عبد الوهاب علي فكره كمان صديقه الانتيم هو الكروان واسمه حسام وماهر اللي هو الفرعون ماعلشي يا جماعه النداله مبدا ومش لازم كلنا نروح في داهيه روحه انتوا واحنا ها نخلي بلنا من المنتدي

هههههههههههههههههههههههههههههههههه

موضوع جميل اوى اوى يا جنرال بس احب اعرفك بحاجه انا اللى اعرفه ان اى ريس معاهش تليفون وبجد انشاء الله كلنا نتقابل فى السجن وانتى يا هوبه من اولها تخبصى علينا حرام عليكى

الموضوع جميل وبيلمس حقيقة مش قادرين نيجى ناحيتها وانا بحيى الجنرال على جرأته بداية واخذ عليه انه انكر الموضوع نهايتا وكنا نسمع من اجدادنا مثل شعبى عظيم بيقول (ان قولت ما اتخافش وان خفت ما تقولش )وشاكر ليكم واسف ان كان كلامى احرج حد وشكرا

السلام عليكم

انا اولا اول ما لقيت رقم الريس قولت بسسسسسسسسسس

الحق اخده علشان اتصل بيه

لان وضع طوابير العيش بقى ولا يسر عدو ولا حبيب


اانما هاحكيلكم على حته فصل حصل معايا امبارح وانا رايح اجيب العيش ركزو في كلمة امبارح

روحت اجيب عيش كالعاده بقوم الصبح بدري الساعه 4 الفجر بصلي واتشاهد واتكل على الله واطلع اشق طريقي للمخبز

فا روحت هناك قعدت فترة كبيرة اوى واقف وبعدين جاتلى فكرة هو انا ليه لازم استنى انا لازم اعمل حاجه قولت بس انا اعمل مغمى عليا ويروحو هما طبعا يبعتوني البيت وطبعا من باب الزوق انهم ياخدو من ايدي الفلوسويبعتو معايا العيش


فروحت عاملها لقيتهم فعلا راحو شايليني هيلا بيلالالالالالالالالالا


وراحو ماشيين بيا كانو اصحابي هما قولتلهم الله يجدعان طب والعيش

ههههههههههههههههههههههههههههههههههههه



طبعا دا كله كدب انا في الكويت من سنه وشهرين ههههههههه


بس لقيتهم مستظرفين قولت وماله لما ادخل اهبل شوية ههههههههه



وعلى العموم ياريت مكنش رخمت عليكم اوى اوى يعني احسن ترفدوني ولا حاجه ههههههههههه


اخوكم سعيد المصري